Сэлэнгэ аймгийн
Сайхан сум, Хөтөл хотын товч танилцуулга

Сэлэнгэ аймгийн Сайхан сум нь Атар газар эзэмших 2 дахь аянаар

           1976 онд тулгын чулуугаа тавьсан Номгон Сангийн аж ахуйг түшиглэн БНМАУ-ын Ардын Их Хурлын Тэргүүлэгчдийн 1977 оны 03-р сарын 26-ны өдрийн 64-р зарлигаар байгуулагдсан.
Сумын төв Хөтөл хот нь 1984 онд БНМАУ-н Ардын Их Хурлын Тэргүүлэгчидийн зарлигаар Дархан хотын Хөтөл хороо нэртэйгээр байгуулагдсан.


Монгол Улсын Их Хурлын 1994 оны 35-р тогтоолоор Хөтөл хороог Сэлэнгэ аймагт харъяалуулж, Засгийн газрын 1994 оны 128-р тогтоолоор аймгийн зэрэглэлтэй хот болгосон.
              Улсын Их Хурлын 1999 оны 22-р тогтоолоор Сайхан сумын төвийг Хөтөл хотод шилжүүлсэн.
Сайхан сум нийт 10000 гаруй хүн амтай ЕББДСургууль нийт 2500 гаран хүүхэд суралцдаг бөгөөд 4 цэцэрлэг нийт 700 гаран хүүхэдтэйгээр үйл ажиллагаа явуулж байна.
Төр төсвийн 20 байгууллагад  500-гаад  ажилтан албан хаагчид ажилладаг.
Төр төсвийн байгууллагын зарлагын санхүүжилт 3772391,7 мян төгрөг.
              Сумын нийт орлого 1378124.3 мян төгрөг.
Нийт 196 аж ахуйн нэгжтэй. Үүнд: Төсвийн байгууллага 20, Хувьцаат компани 1, хязгаарлагдмал хариуцлагатай компани 150, бүрэн бус нөхөрлөл 15, ЗБН 6, хоршоо 3, Орон нутгийн аж ахуйн төрийн үйлчилгээний газар 1, сууц өмчлөгчдийн холбоо 4 үйл ажиллагаагаа явуулдаг.
              Сайхан сумын хэмжээнд бөөний худалдааны төв, супермаркет, худалдаа үйлчилгээ, нийтийн хоол, оёдол, гутал засварын 115 цэг салбар үйлчилгээ  үйл ажиллагаа явуулж байна.